綴小太陽去𨑨迌

#諸羅在地嘉義味
#知更鳥巢鮮果茶飲
在地人會來買的飲料店，果子鮮看會著！一層樓的低厝仔，真好揣。
#葡萄柚綠茶
招牌愛買的頭名，鮮閣厚汁的葡萄柚，小可酸酸，摻酸梅仔上合味。
用厚本的葡萄柚果肉，和綠茶做伙啉，食飯後來一杯上讚！一杯足大杯，會當啉足久。
#柳丁綠茶
規箱柳丁佇店內，免驚毋是鮮的啦！
#知更鳥巢鮮果茶飲🥤
#地址🏠：600嘉義市西區國華街262號
#營業時間：禮拜歇睏，其他時間9:00-21:00
#電話☎️：05 222 3769
#臺灣 #臺灣美食 #嘉義 #嘉義美食 #taiwan #taiwanfood #chiayi #chiayifood #葡萄柚綠茶 #柳丁綠茶

#綴小太陽去𨑨迌🧳

#諸羅在地嘉義味
#阿吉鱔魚麵
佇蘭井街的巷仔內，生理強強滾，因為這間煮食的方式真特別。
用火炭代替ga55 suh3，煮起來的氣味果然無相仝。
#炒鱔魚麵
三種麵，有焦的，有澹的，今仔日先食上有銷的焦的。油麵軟㽎㽎，加上洋蔥的氣味，上奇巧的是，麵和鱔魚是分開炒，麵炒七分熟，頭家會共鼎提來邊仔，沓沓仔用煎匙，拌予較著味。
鱔魚嘛是，會閣拌予較入味，麵和鱔魚才摻做伙。
食起來麵真幼，鱔魚嘛真入味，和一般會小可臭火焦的炒鱔魚無仝，洋蔥嘛足紲喙。
閣有免費的柴魚湯，甘甜！
適合寒人來的好所在。
#阿吉鱔魚麵
#地址🏠：600嘉義市東區蘭井街113號
#營業時間：15:00-19:00
#電話☎️：05 223 7194
#臺灣 #臺灣美食 #嘉義 #嘉義美食 #taiwan #taiwanfood #chiayi #chiayifood #鱔魚麵

#綴小太陽去𨑨迌🧳

齊東詩社改頭換面了後的「台灣文學基地」，是台北市目前上蓋大，保存上完整的日本式宿舍群，攏總有7棟歷史建物，占地有350坪，深具重要文化意義。
此處經過多年的保存和修復，現此時成做文學活動的交流場地。

走入台灣文學基地，親像走入時光磅空仝款。日本式的宿舍、石仔路，真正有去日本的感覺！
台灣文學基地建築是由7棟日本市房舍改建組成，包含悅讀館、繆思苑、創作坊、齊東舍、展覽廳、文學厝以及知名抹茶店Matcha One進駐的空間，7棟攏有毋仝的主題和功能。
今仔日下晡到明仔載全日，閣有文創商品來擺擔，予你享受滿滿的台文的空間和空氣中的自由氣息！
#台灣文學基地
#營業時間⏰:10:00-18:00
#綴小太陽去𨑨迌🧳

#枋橋好去處
#林本源園邸 
#林家花園 
秋風吹來的好天氣，暗暝一遊林家花園，別有風味。
最上設計的光映綺想曲，佇逐禮拜的拜五、拜六和禮拜日才會登場的光雕秀，搭配主旋律「望春風」，譜出一段過去、這馬和未來的奇幻光影秀。
有3、5、15分鐘長度的表演，最後一場是20:30，也是上長15分鐘的表演時間。
對過去的繁華、奇珍異獸，到現代的手遊融入，一直到未來的抽象展現，真是一場袂當錯過的光雕表演。
暗時的林家花園幽靜別賦新意，拍上燈光，閣較有一種嶄新的特色。
一直到明年一月初，新北市民入場免費，毋過光雕秀建議提前預約，以免人潮傷濟愛等候。
預約網址：
culture-ntpc.welcometw.com/product/info/0Dp9......
#地址:220新北市板橋區西門街9號
#營業時間⏰ 09:00-1700
光雕週五六日18:00-21:00
#台灣 #台灣景點 # taiwan #taiwantrip  
#綴小太陽去𨑨迌🧳

#雞籠山海之城
#太平青鳥
傳說中，青鳥是一種文學象徵，是每一个人攏咧找揣的幸福。
2017年，基隆的太平國小，因為少子女化，面臨廢校的狀況。因為學校的位置十分特殊，佇基隆港西岸的虎仔山腰和罾仔寮社區，閣倚佇基隆英文路標Keelung邊仔，又會當看著曠闊的基隆港，基隆市政府啟動創生計畫，和青鳥冊店合作，佇今年10月23開幕，對廢棄校舍華麗踅身成做一間看海的文青冊店。
假日有管制，車會當停佇三百公尺以外的產業道路，先行過一片兩爿攏是山壁的小路，無偌久，一座白色的建築物出現佇正手爿，就是和平青鳥。
原底主建物是太平國小的圖書室，昔日的招牌閣留咧，內底閣會當啉咖啡、來杯茶，享受冊芳、茶芳佮咖啡芳。
透明的玻璃，予你徛佇窗仔邊，就會當看著整个基隆港，予人心情綴咧放輕鬆。
另外一爿的風景，是真濟青翠的植物，予人有恬靜的感覺，無論看冊、放空，攏是好選擇。
行出冊店，邊仔是原來的校舍，攏漆做白色，毋過校名猶會當看會出來。
有一个謎猜是：九个碗，十个人
答案是：加人（ke-lâng)—基隆。
毋過，這个所在因為減人，自然行向廢校的路途，有影是千算萬算，毋值天一劃。希望青鳥降臨，予這个所在，成做揣著你幸福和智識的燈塔，佇山頂、佇海邊，佇基隆的山海之巔閃爍。

冊架仔：
tsheh-kè-á

囥冊的架仔。

冊店的冊架仔有足濟冊。

#太平青鳥📖
#地址：🏠 203基隆市中山區中山一路189巷135號
#營業時間：⏰拜一、拜二歇睏，其他時間10:00-18:00

#基隆 #基隆之旅 #臺灣 #臺灣旅行
#keelung #keelungtrip #taiwan #taiwantrip #太平青鳥
#綴小太陽去𨑨迌