1895年就開始營業，第一代的李騰飛佇大稻埕的寶香齋學做餅的手藝，先轉去蘆洲湧蓮寺對面成立餅店。
因為李家的亭仔跤定定有陣陣的餅芳，就共餅店號名做李亭香。
落尾到大稻埕的迪化街開店，嘛因為大稻埕彼當時的繁華，共真濟南北貨嘛做入去餅內底，親像、香菇、咖哩口味。
這馬已經改頭換面，店外親像巴洛克風格的裝潢，予人感覺真有百年前店頭的氣派。
店內嘛會當啉咖啡、配大餅，真時行！
有人叫伊：牛力、麩奶甲，就是臺灣口味的馬卡龍。
這馬遮有原味、咖啡，檸檬，因為無囥防腐劑，三工就愛食完。
其他閣有大餅切做細塊、麻仔糕，攏是傳統的餅，有深深的古早味。
#電話：02 7746 2200#200 #營業時間：10:00-19:00
想欲食大餅，免大塊，嘛會當食著好滋味。
來一杯咖啡配餅，好氣味!
古錐的籠床，成做盒仔。
八卦造型的架仔，予你幸福的滋味。
裝潢真大範，氣氛真輕鬆。
逐項攏想欲食看覓。
重新裝潢的店內，有影喜氣閣時行!
杏仁糕，可愛的包裝。
傳統大餅嘛會當細塊細塊，買轉去食。
規盒的牛力，有三種口味，原味、咖啡和檸檬會當選。
其他好滋味的糕仔餅。
這裝潢實在有夠媠!
平安歸，予你平安閣長壽!
愛傳統大餅的人嘛有新包裝會當揀。
文青風的牛力禮盒。
麻仔糕，氣味足芳。
新店頭，新氣象。
送禮抑是家己食，攏好!
文章標籤
全站熱搜
*****