close
佇馬祖境天后宮的正手爿山頂，有一座媽祖巨神像，佇2009年10月落成，對提案到落成攏總10冬以上。這四箍輾轉嘛特別規劃「媽祖宗教文化園區」，對馬港境天后宮沿祈福步道行來巨神像，沿途石雕故事講著媽祖昇天成聖的由來。觀景平台面向媽祖故鄉的方向看海景，祈願四海平安。
媽祖巨神像總共有365塊花崗岩雕刻而成，象徵「365日、日日平安」，佇海岸邊的山頂，看起來真壯觀，法相慈悲，神像周邊，有十二幅雕塑組成，講媽祖得道成仙的故事；神像頭前的瞭望台遠遠看親像一隻船，對遠遠的所在看媽祖巨神像，就像媽祖坐一隻船佇海裡行船，保庇當地居民。
媽祖巨神像本體懸是28.8公尺，原本和馬祖四鄉五島總面積28.8平方公里相符合，毋過上新測量了後，馬祖的實際面積是29.6平方公里，因此起造的時，共媽祖巨神像加上避雷針，予總懸度是29.6公尺。
文章標籤
全站熱搜
留言列表
