綴小太陽去𨑨迌

#初泰pikul 昨日開幕的泰式料理餐廳，

上特別的，這是有530間分店的連鎖咖啡店「路易莎」第一間餐廳，徛佇臺北市的卵黃區-信義區，欲起鼓伊對料理市場的第一个戰場。

揀佇遮，除了鬧熱以外，佔地70坪，內底裝潢予你親像來到泰國仝款，輕鬆，耳邊傳來泰語歌，予人感覺真放鬆。一樓附近真濟植物，親像佇樹林內底食飯。

#椒麻雞 用大隻雞腿，外口淡薄仔薄粉，糋甲酥酥酥，頂懸閣淋泰式醬汁，有薟！ 份量嘛袂少，開胃的好選擇。

#泰式香茅莎朗牛排 差不多五分熟的牛排🥩，肉質真幼，真薟的醬料，予牛排食起來有第二種口味。

#檸檬魚 用上鮮的鱸魚🐟，肉質軟，炊甲真入味，淡薄仔檸檬酸，予你加食一碗飯。

#泰式奶茶 來一杯泰國的記持，奶茶是一定愛來一杯！

#泰式椰奶冰茶 椰子味就是熱帶的好飲料，清涼退火！

#甜點摩摩渣渣和芋仔湯 飯後來一碗，算是儀式感結束的好選擇。

裝潢設計真時行，想袂到這閣有ATM， 會當先預約，才袂等到天荒地老！

佇窗仔邊，閣會當看著101大樓的媠景!

#初泰 PIKUL 信義象山門市

#🏠地址：台北市信義區信義路五段122號1F（面松仁路、近象山捷運站2號出口)

#☎️電話：02-2722-1369

#網路訂位： https://inline.app/booking/pikul/pikul-tpe #taiwan #taiwanfood #臺北 #taipei #taipeifood #綴小太陽去𨑨迌 @howsayhow @susu_wonder @walkerland_kadokawa #yummyday_tw #fooder_tw